Phi Phi Harbour View Hotel ★★★★

الغرفة واسعة والبلكونة على المسبح مباشرة قريب جدا من المرفأ و المطاعم في المنطقة كثيرة

الافطار كان سيء والقطط الذباب منتشرين في المكان الاكل محدود جدا

السعر على الفندق والخدمة والأسلوب والتعامل و السيرفس بشكل عام وايد ومايستاهل هالمبلغ مقابل الخدمة أبدًا ، في منتجعات وايد أفضل وأنظف وأثاث أحدث بسعر أقل ويكونون وايد أفضل من هذا الفندق ، يمكن أحلى شي فيه مكانه وموقعة حدده ممتاز ، بالنسبة حق الموظفين كنك تتعامل مع أموات ، لو يحطون مومياء بدالهم ممكن تكون الخدمة أفضل وأسرع ، وفوق هذا كله مايعرفون لا عربي ولا أنجليزي وأسلوبهم مستفز من غير سبب أو وجه حق أنا جايهم بأحلى أسلوب وابتسامه حلوة ومعطيهم كل واحد 100 هدية ومع ذلك الأسلوب والنفسية مستفزة ، وتبي صورة بطاقة بنك من الشروط عشان تسوي تسجيل دخول للغرفة في حال كسرت شي أو خربت شي يخصمون من البطاقة دايركت من غير لا يبلغونك على شنو ، وأساسًا هم أثاثهم متهالك ، وبالنسبة للماترس إذا فيك دسك أو ظهرك يعورك لا تحجزون فيه نصيحة لأن الماترس صلب وقديم ومافيه ولو نسبه ضعيفة من الليونة كنك نايم على قطعة خشب ، أنا لمن حجزت الفندق ماكان في أحد حاجز بالفندق إلا غرفتين أنا والغرفة اللي جنبي ( رغم الزحمة الغير مسبوقة في الجزيرة ) ولكن لم يكن به أحد ، كل الناس رايحين الفنادق والمنتجعات الأخرى ، وللمعلومية : الساعة 12 خلاص يغلق اللوبي أو ما يسمى بخدمة الاستقبال ، وأيضا الساعة 7 يغلق حمام السباحة ، وبالنسبة لتسجيل الخروج لازم قبل الساعة 11 صباحاً ، واذا ماطلعت قبل 11 ياخذون على كل ساعة 500 بات أو ليلة كاملة ، نصيحتي لكم بالكويتي : خلوا هذا الفندق آخر خيار لكم وانجوي

قريب من المينا

لاشئ